बघ तुला जमतं का ..

तू देवासाठी उपवास कर किंवा नको करूस
मर्जी तुझी ....
जीभेवर ताबा नाही जमला तरी चालेल
पण तुझ्या मोहांवर मात्र मिळव विजय


तू देवळात रोज जा किंवा नको जाऊस
इच्छा तुझी ..
तीथे वाकला नाहीस तरी चालेल
पण तुझ्या अहंकारावर मात्र कर मात


तू सोवळं ओवळं मान किंवा नको मानूस
हक्क तुझा ते सर्व मानलं नाहीस तरी चालेल
पण  तुझे आचार मात्र ठेव पवित्र

तू पोथ्या - पुस्तकं वाच किंवा नको वाचूस
निवड तुझी त्यासाठी वेळ नसला तरी चालेल
पण आपल्या माणसांची मनं जरूर वाच